ISTAIRSSSSS...

"J-J-J-J-EEEEEE!!!"

Plak. Plak. Plak. Alam mo yung naiihi? Kaso kailangang pigilan kasi nandun yung minamahal mo sa likod. At kailangan mo pa siyang titigan sa buong oras na inilaan para sa BREAK sa review. Tapos malalaman mong lalabas din pala siya. Dahil nga sa mga pangyayari kailangan mong tumakbo. Ayan na. Habang tumatakbo ka ay pakiramdam mong tumutulo na ang ihi mo. Ayan na. Plak. Tick. Plak. Tick. Plak. Tick. Ipagpatawad mo, aking panty.

Hay salamat! Ayan! Naabot ko na ang tagumpay! Nailabas ko na ang matagal ko nang pinipigilan sa loob ng dalawang oras kasabay ng pagtiis sa malamig na pwesto sa isang kwarto.

Pagkatapos mailabas yung dapat ilabas ay biglang may sumigaw ng "KRISTAAAAAAAAAAA!" Teka. Mukhang yung mga kaibigan ko yun ah. Tila nagmamadali. Bakit kaya? Ano bang nangyayari? Nakaramdam ako ng kaba. Bigla akong nagpanic sa di malamang dahilan. Dali-dali naman akong lumabas ng cubicle. WHEW! At sa wakas ng CR na rin.

Nagulantang ako sa aking nakita. May isang lalaking nakaitim na naka-sumbrero. Parang pamilyar ang ganoong kasuotan? Hindi kaya....s-s-si ano yun?

OHHHH MYYY GODDAAAA! S-S-Si J-J-J-J-EEEEEEEE yun ah!

Nang mga sandaling yun, tila lulundag na ang puso ko sa tuwa. Ang bilis nga lang niya maglakad. Hinabol ko siya. Ayan na. Nagmamadali na ang mga paa kong habulin siya. Pero... Ano ito? Mayroong tumulak sa akin. Isa sa mga kasama ko yun. Sigurado ako! Siguro si Karisse yun. Ang lakas kasi ng pwersa e. Hay nako! Nasira na tuloy ang pag-asang maabutan si JE. Teka. Nararamdaman kong bumabagsak na ako. Mabilis ang mga pangyayari. Hindi ko na kayang pigilan. Sa kasamaang plad, bigla akong nadapa sa isang hagdan! Muntikan na akong mabagok. WHEW! Hindi ako makagalaw. May nakakita kaya? Kung may nakakita man. Mga kaibigan ko lang kaya? O sana nga , LORD!

Sa wakas, nakabangon din ako. Asus! Si Margie pala ang tumulak sa akin. Ang lakas ha. Ayan. Wala na tuloy siya. Nakabalik na siya sa classroom. Sayang!

Habang nagtatawanan, habang humahakbang patungo sa classroom, nakakaramdam ako ng isang magandang sign. Nagulat ako nang makita ko ang isang lalaking nakaitim na ang pagkakaalam ko ay si JE yun. Kaya abot-tainga na ang aking ngiti. SUCCESS!

Ang pagmamahal nga naman! WHOAH! Hindi mapipigilang kiligin! Pakiramdam ko tuloy kahit gaano ako kabigat ay lumulutang pa rin ako sa langit! TRALALALALALALALA!

HAHAHAHAHAHA! Iyon na ang pinakamagandang pangyayari sa buhay ko sa review. LAAAAB!

LOOOOOOVE is in the air. <3>